Qazaqstanda lokomotıvterdi kóktemgi komıssııalyq tekserý bastaldy
ASTANA. 11 sáýir. QazAqparat /Gúlmıra Álıakparova/ - Aǵymdaǵy jyldyń 1 sáýirinen bastap «Lokomotıv» AQ-nyń fılıaldary - ońtústik óńiriniń «Paıdalaný lokomotıvteri deposy» men Maqat jáne Qyzylorda depolarynda lokomotıvterdi tekserý júrip jatyr.
Bul týraly «Lokomotıv» AQ-nyń baspasóz qyzmetinen habarlady.
Soltústik, batys jáne shyǵys óńirlerde kóktemgi komıssııalyq tekserý 10 sáýir kúni bastaldy. Kóktemgi is-sharalardyń keshtetip bastalýy jergilikti jerlerdiń aýa raıyna baılanysty. Lokomotıvterdi jazǵy maýsymǵa daıyndaý 30 mamyrda aıaqtalady dep kútilýde.
Kóktemgi komıssııalyq tekserý barysynda elektrovozdar men teplovozdardyń jazǵy tasymaldaýlarǵa ázirlikteri tekseriledi. Olardyń tehnıkalyq jáne órtke qarsy jaǵdaılary, qajetti qural-jabdyqtardyń bolýy nazarǵa alynady. Onymen birge lokomotıvter sanıtarlyq-gıgıenalyq talaptarǵa saı bolýy tıis.
Tartqysh jyljymaly quramdardy árbir lokomotıvti depoda qurylatyn arnaıy komıssııalar tekseretin bolady.
Kóktemgi komıssııalyq tekserý - poıyzdar qozǵalysynyń qaýipsizdigin qamtamasyz etýge baǵyttalǵan júıeli sharalardyń biri.
