Qazaqstanda lızıng assotsıatsııasy quryldy
ASTANA. KAZINFORM – Elimizde lızıng assotsıatsııasy jumysyn bastady.
Búgin elordada «Qazlızıng – 2025: ónerkásip pen kásipkerlikti qarjylandyrý kózi retinde Qazaqstanda lızıngti damytý perspektıvalary» atty alǵash konferentsııasy ótti.
Atalǵan shara aıasynda birqatar kompanııa basshysy lızıng assotsıatsııasyn qurý týraly memorandýmǵa qol qoıdy. Onyń qatarynda «Kásipkerlikti damytý» AQ, «Qazmektep» AQ, «Astana-Motors fınans» JShS, «Kapıtal lızıng grýpp» AQ, «Forta lızıng» AQ, «Halyq lızıng» AQ, «Allur Finance» JShS bar.
Konferentsııaǵa Ulttyq ekonomıka vıtse-mınıstri Arman Qasenov, Qarjy naryǵyn retteý jáne damytý agenttiginiń tóraǵasy Mádına Ábilqasymova, «Báıterek» holdıngi basqarma tóraǵasynyń birinshi orynbasary Nurbolat Aıdapkelov qatysty. Odan bólek elimizdiń túkpir-túkpirinen kelgen sala mamandary men lızıngtik kompanııalar ókilderi boldy.
Eske salaıyq, jyl basynda Parlament Májilisiniń qaraýyna «Qazaqstan Respýblıkasynyń keıbir zańnamalyq aktilerine jeke tulǵalar úshin lızıng engizý máseleleri boıynsha ózgerister men tolyqtyrýlar engizý týraly» zań jobasy kelip tústi.
Sondaı-aq lızıngke tehnıka alatyn sharýalardyń alǵashqy jarnasyn memleket sýbsıdııalaıtyny aıtyldy.