Qazaqstanda əleýmettik jaǵdaıy osal adamdar úshin arendalyq úıler salynady
ASTANA. QazAqparat - Búgin Ortalyq kommýnıkatsııalar qyzmetindegi brıfıng barysynda Investıtsııalar jáne damý mınıstrliginiń Qurylys jəne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov Qazaqstanda əleýmettik jaǵdaıy osal adamdar úshin arendalyq úıler salynatynyn aıtty. Biraq, bundaı baspanany satyp alý múmkindigi qarastyrylmaǵan, dep habarlaıdy QazAqparat.
«Memleket basshysynyń tapsyrmasy boıynsha turǵyn uı qurylysyna qoldaý kórsetý úshin «Nurly jer» baǵdarlamasy əzirlenip, qabyldandy. Oǵan «Nurly jer» baǵdarlamasynyń burynǵy talaptary men óńirlerdi damytý baǵdarlamasy jáne barlyq turǵyn úı məseleleri engizildi. Jańa baǵdarlama bes negizgi mindetti iske asyrýdy kózdeıdi»,-dedi Marhabat Jaıymbetov.
Komıtet tóraǵasynyń aıtyp otyrǵan bes baǵyty mynalar:
1. Ipotekalyq nesıeniń qoljetimdiligin arttyrý
2. Jeke qurylys salymshylaryn turǵyn úı salýǵa yntalandyrý
3. Turǵyn úı jınaq júıesi arqyly nesıelik turǵyn úı salý
4. Halyqtyń əleýmettik jaǵynan osal toptary úshin satyp alý múmkindiginsiz jalǵa beriletin turǵyn úı salý
5. Jeke turǵyn úı qurylysyn damytý.
