Qazaqstanda latyn grafıkasynda jalpyhalyqtyq dıktant ótedi

NUR-SULTAN. QazAqparat – 10 qyrkúıek kúni elimizdiń barlyq óńirinde latyn grafıkasy negizinde jalpyqazaqstandyq dıktant ótedi. Bul týraly Qazaqstan halqy Assambleıasynan málim etti, dep habarlaıdy QazAqparat.

Dıktant barlyq oblys, qala jáne aýdandyq kitaphanalar men JOO-larda bir mezgilde, ıaǵnı saǵat 11.00-de bastalady. Elordada aktsııa QR Ulttyq akademııalyq kitaphanasynda (Dostyq kóshesi, 11) ótedi.

«2019 jyl – Jastar jyly» atalatyn sharanyń maqsaty – etnosaralyq kommýnıkatsııa tili retinde memlekettik tildiń mańyzyn nyǵaıtý.

«Oǵan QHA Tóraǵasynyń orynbasary – Hatshylyq meńgerýshisi Janseıit Túımebaev, QR Parlamenti Májilisiniń depýtattary, QHA músheleri, memlekettik organdar men etnomádenı birlestikterdiń ókilderi, QHA jastar qanaty, memlekettik jáne qoǵam qaıratkerleri, stýdentter qatysady», - dedi Qazaqstan halqy Assambleıasynyń baspasóz qyzmetinen.