Qazaqstanda lańkestikke qarsy 7 zań ázirlenedi
«El qaýipsizdigin zańnamalyq negizde nyǵaıtý birinshi josparǵa aınaldy. Qazaqstan jáne is júzinde álemniń barlyq elderi lańkestik qaterimen betpe-bet kelip otyr. Aqtóbedegi jáne Almatydaǵy lańkestik shabýyldardyń saldarynan Ulttyq gvardııashylar, polıtseıler, beıkúná azamattar qaza tapty. Mundaı jaǵdaıda memleket eshteńege qaramastan óziniń ınstıtýtsıonaldyǵyn nyǵaıtýy tıis. Qoǵamdaǵy turaqsyzdyqty qalaıtyn jáne sol oqıǵalardy paıdakúnemdik úshin paıdalanýǵa umtylatyn keıbir ishki jáne syrtqy kúshter toıtarys jasaý qajet», - dep atap ótti Elbasy.
Osy rette Memleket basshysy depýtattardyń nazaryn lańkestikke qarsy zańdy túrde quqyq qorǵaý sharalaryn qabyldaý qajettigine aýdardy.
«Meniń tapsyrmammen ekstremızmge, lańkestikke qarsy turý, qarsy barlaý qyzmeti, daktıoskopııalyq jáne genomdyq tirkeý, eldiń aqparatyq qaýipsizdigin nyǵaıtýdy maquldaý máseleleri boıynsha 7 zań jobasy ázirlenip, Májiliske engiziledi. Biz bul zańdardy ázirleımiz jáne elimizdiń qaýipsizdigi úshin qabyldaýǵa depýtattarǵa usynamyz», - dedi Prezıdent.
N.Nazarbaev adamdar tynysh jumys isteýi úshin jáne qoǵamdaǵy turaqtylyqty, qaýipsizdikti saqtaý eń mańyzdy jaıt ekendigin basa aıtty.
«Depýtattardan bul usynystarǵa baıyppen qaraýdy jáne bul máselelerdi jyl sońyna deıin sheshýdi ótinemin», - dedi Memleket basshysy.
