Qazaqstanda lańkestik jasaǵany úshin ólim jazasyn taǵaıyndaý qajet emes - J.Turmaǵambetova
Bul pikirdi búgin QR Parlamenti Májilisinde ótken «Qazaqstan Respýblıkasynyń Qylmystyq kodeksiniń jańa redaktsııasynda kózdelgen ólim jazasy jáne ómir boıy bas bostandyǵynan aıyrý jaza túrleri» atty dóńgelek ústel otyrysy barysynda «Adam quqyǵy hartııasy» qoǵamdyq qorynyń atqarýshy dırektory Jemis Turmaǵambetova bildirdi.
Uzaq jyldardan beri osyndaı jobalardy qoldap kele jatqan Ulybrıtanııa elshiligine alǵysyn bildirgen onyń sózine qaraǵanda, atalǵan memleket pen Ispanııa lańkestik áreketterden barynsha kóp zardap shekkenimen qylmyskerlerge ólim jazasyn engizip otyrǵan joq.
«Lańkestik áreket pen áskerı ýaqytta jasalǵan qylmysqa ólim jazasyn saqtaý qajet pe? Velosıped oılap taýyp, ótkenge qaıta oralýdyń qajeti joq. Alyp tastaý kerek», dedi ol.
