Qazaqstanda lańkestik uıymdardy qarjylandyrý arnalary áshkerelenip jatyr - Andreı Lýkın
ASTANA. 27 maýsym. QazAqparat - Qazaqstanda lańkestik uıymdardy qarjylandyrý arnalary der kezinde anyqtalyp jatyr.
Ondaı faktiler bar. Bul týraly búgin jýrnalısterge suhbat bergen QR Ekonomıkalyq qylmys jáne sybaılas jemqorlyqqa qarsy kúres agenttigi (Qarjy polıtsııasy) tóraǵasynyń birinshi orynbasary Andreı Lýkın málim etti.
A.Lýkın osy qylmystar aıasyndaǵy qarjynyń naqty kólemi týraly aıtqan joq. Sebebi árbir qylmys boıynsha qarjynyń kólemi árqıly bolyp keledi. «Qazaqstanda lańkestik uıymdardy qarjylandyrý arnalary der kezinde anyqtalyp jatyr. Ondaı faktiler bar. Oǵan jaýapty adamdar qylmystyq jaýapqa da tartylady. Zań boıynsha tergeý qupııalyǵy saqtalýy tıis. Sondyqtan búginde men ondaı oqıǵalar týraly tolyq aqparat bere almaımyn», - deıdi A.Lýkın.
