Qazaqstanda lańkestik pen ekstremızm úshin sottalǵandardyń keskini jasalady
«Bıyl bizde táýekelderdi baǵalaý júıesin júrgizý josparlanǵan. Bizge sottalýshy keskinin qurastyrý úshin áleýmettik zertteý júrgizý qajet. Bul úshin BUU-nyń Esirtki jáne qylmystar jónindegi basqarmasymen, múddeli memlekettik organdarmen, jetekshi jáne beıindi oqý oryndarymen birlesip, osy jyldyń ishinde áleýmettik zertteý bastaýdy josparlap otyrmyz. Ol munan ary táýekelderdi baǵalaý júıesin ázirleý úshin qajet», - dedi basqarma basshysy.
Onyń sózine qaraǵanda, shilde aıynyń sońynda Qazaqstanǵa Kanadadan táýekelderdi baǵalaý jónindegi halyqaralyq sarapshy keledi.
«Atalǵan sarapshy bizdiń qyzmetkerlerimiz úshin táýekelderdi baǵalaý júıesi boıynsha trenıng ótkizedi. Bul táýekelderdi tsıfrlyq baǵalaý bolmaq. ıAǵnı, onda saýaldar tizbesi qurastyrylady. Bizge túsken sottalýshyǵa maqsatta suraqtardy qoıamyz jáne nátıjesi birden shyǵady. Qazaqstanda Hanafı mazhaby moıyndalǵan. Sondyqtan sottalýshyda bul mazhabtan qandaı da bir aýytqýshylyq baıqalsa, onda biz onymen maqsatty túrde aqparattyq túsindirý jumystaryn júrgizemiz», - Bekbolat Shákirov.
Aıta keteıik, elordada BUU Esirtki jáne qylmystar jónindegi basqarmasy men QR ІІM Qylmystyq-atqarý júıesi komıtetiniń «2018-2021 jyldarǵa arnalǵan ektremıstik jáne lańkestik baǵyttaǵy qylmystar úshin sottalǵandarmen jumysty kúsheıtýge, penıtentsıarlyq mekemelerde radıkaldyq zorlyq-zombylyqtyń aldyn alýǵa qoldaý kórsetý» birlesken baǵdarlamasyn júzege asyrýdy úılestirý keńesiniń birinshi otyrysy ótip jatyr.
Sharaǵa QR SІM, AQDM, BǴM, UQK, Bas prokýratýra, Eýropalyq odaq ókildigi, Qazaqstandaǵy Nıderlandy koroldigi, Japonııa, Germanııa Elshilikteriniń ókilderi qatysýda.
