Qazaqstanda lańkestik nasıhatynyń shyrmaýyna túsip qalǵan adamdarǵa kómek kórsetilýde
Onyń aıtýynsha, Qazaqstan Respýblıkasynda dinı ekstremızm men terrorızmge qarsy is-qımyl jónindegi 2013-2017 jyldarǵa arnalǵan memlekettik baǵdarlamanyń aıasynda qaýymdastyq QR Bas prokýratýrasymen belsendi yntymaqtastyq jumystaryn júrgizýde. Sonymen qatar ortalyq lańkester men ekstremıster nasıhatynyń yqpalynan zardap shekken barsha adamdarǵa kómek kórsetýde. Bul ortalyqqa negizinen atalǵan nasıhattaýlardyń zalalyn kórgen adamdar kómekke júginedi eken.
«Ońaltý kómegi úshin bizge adamdar kelgen 80 jaǵdaıdyń ishinde 90 paıyzǵa jýyǵynda lańkestik nasıhatynyń shyrmaýyna túsip qalǵan azamattardyń týysqandary qurady. Bizdiń jeńisimizdiń biri - ol 16 jasar qyzdyń óz otbasyna oralýyna baılanysty. Bul qyz ǵalamtor arqyly ekstremıstik toptyń ókilderimen tanysyp, jelide toptyń bir múshesine turmysqa shyǵýǵa kelisken eken. Bizdiń jumysymyzdyń maqsaty - adam ómiri. Atalǵan qyz búginde ekstremıstik kózqarastardan arylyp, otbasyna qaıta oraldy», - dedi ıÝ.Denısenko.
Onyń paıymynsha, zorlyq-zombylyqty ekstremızmge qarsy is-qımyldyń basty qarýy - ol áleýmettik sharalar men áleýmettik jobalar.
Sonymen qatar qaýymdastyq qoǵamda ekstremıstik ıdeıalarǵa qarsy turý jáne olardyń taralýyna jol bermeý baǵytynda jumystardy atqarýda.
«Men QHA múshesi bolyp tabylamyn. 20 jyldyń ishinde Assambleıa etnıkaaralyq toleranttylyq pen qoǵamdyq kelisimniń qazaqstandyq modeliniń negizgi býynyna aınaldy. Tek jyl basynan beri 470 áleýmettik joba bastaý aldy. Elimizdiń eldi mekenderinde 8 mıllıon adamnyń qatysýymen 17 myńnan astam shara ótkizildi. QHA-nyń «20 ıgilikti is» aktsııasynyń aıasynda 35 myń adamǵa kómek kórsetildi. 600 myńnan astam adamnyń qatysýymen 2,5 myń shara uıymdastyryldy», - dedi ıÝ.Denısenko.
