Qazaqstanda «Lanıa» jańa genıpavırýsy tirkelgen joq

NUR-SULTAN. QazAqparat – Jan-janýarlar arqyly taralatyn «Lanıa» jańa genıpavırýsy Qazaqstanda tirkelmedi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

VAK málimetine sáıkes, «Lanıa» vırýsy alǵash ret osydan tórt jyl buryn genomdyq zertteý nátıjesinde anyqtalǵan. Keıin eki jyl ishinde Qytaıdyń qos provıntsııasynda taǵy 35 adamnyń osy vırýsty juqtyrǵany belgili boldy. Naýqastarda kelesi belgiler baıqaldy: dene qyzýy, sharshaǵyshtyq, jótel, mıalgııa, júrek aıný, bas aýrýy, tábettiń bolmaýy.

Bul – zoonozdy ınfektsııa, ıaǵnı adam vırýsty aýrý janýarlardan juqtyrady.

Vırýsqa antıdeneler úı janýarlarynda – eshkiler men ıtterde anyqtaldy. Jabaıy tabıǵatta vırýs shirkeılerde kezdesedi.

Qazaqstanda «Lanıa» vırýsyn juqtyrý jaǵdaılary joq.