Qazaqstanda qyzylshamen syrqattaný 19 esege azaıdy - A.Esmaǵambetova
«Ótken jyly bizde qyzylshamen aýyrǵandar kóp boldy. Shamamen 3 myń jaǵdaı tirkeldi. Árıne, qyzylshanyń aldyn alý úshin Qazaqstan halqy arasynda bul ınfektsııanyń taralýyn toqtatý úshin qosymsha ımmýndaý eki kezeńmen ótkizildi», - dedi ol QR DSÁDM brıfınginde.
A.Esmaǵambetova aıtyp ótkendeı, sol ýaqytta qosymsha ımmýndaý ótkizý qajet pe, joq pa, ol qanshalyqty tıimdi bolady degen kóptegen janjaldar bolǵanyn aıtty.
«Búgin biz onyń tıimdiligin kórip otyrmyz. Qosymsha ımmýndaýdan keıin qyzylshamen aýyrý 19 esege azaıdy. Eger ótken jyldyń birinshi toqsanynda qyzylshamen aýyrýdyń 1,5 myń jaǵdaıy bolsa, búgingi tańda - bir toqsanda barlyǵy 62 jaǵdaı ǵana tirkelgen. Onyń ústine vaktsınalaý almaǵan, vaktsınalaý jasyna jetpegen balalar aýyrýda. Sondaı-aq, ekpe almaǵan adamdar aýrýda. Bul bizdiń elde vaktsınalaýdyń qajet ekenin kórsetetin taǵy bir aıqyn dálel», - dedi maman.
Sonymen qatar, onyń aıtýynsha, dárigerler Qazaqstanda sońǵy 3-4 jylda kókjótelmen aýyrýdyń artqanyna alańdaýshylyq bildirip otyr.
«Búgingi tańda bizdi kókjótelmen aýyrýǵa qatysty epıdemıologııalyq jaǵdaı alańdatyp otyr. 2014-2015 jylmen salystyrǵanda biz kókjótelmen aýyrýdyń 3,5 esege artqanyn kórip otyrmyz», - dedi ol.
Epıdemııalyq qadaǵalaý ókili túsindirgendeı, kókjótel bul - balalar ınfektsııasy, ol kishkentaı balalar úshin qaýipti. Oǵan qosa, kókjótelmen aýyrýdyń 70% júıke júıesine keri áser etedi, dep jazady primeminister.kz.
«Kókjótel uzaq ýaqyt emdeledi. Sondyqtan, bul ınfektsııadan vaktsınalaýdyń qaýip-qateri men paıdasyn tarazylaý qajet», - dep basa aıtty A.Esmaǵambetova.