Qazaqstanda qyzylshaǵa shaldyǵý deńgeıi artýy múmkin
ASTANA. QazAqparat - Qazaqstanda qyzylshaǵa shaldyǵý deńgeıiniń artýy boljanýda. Búgin Ortalyq kommýnıkatsııalar qyzmetindegi brıfıng barysynda QR Tutynýshylardyń quqyqtaryn qorǵaý agenttigi tóraǵasynyń orynbasary - Qazaqstannyń Bas sanıtarlyq dárigeri Jandarbek Bekshın osylaı málimdedi.
«Búginde «SK-Farmatsııa» 1 mln. qyzylshaǵa qarsy bir mólsherlik vaktsınany satyp alý máselesin sheshýde. Jyl sońyna deıin 15-ten 19 jas aralyǵyndaǵy 1 mln. adamǵa vaktsına egiledi», - dedi J. Bekshın. Onyń sózine qaraǵanda, álemdegi epıdemıologııalyq ahýaldyń qıyndaýyna baılanysty aldaǵy jyly taǵy 2 mln. úsh valentti (qyzylsha, qyzamyq, parotıt) vaktsınany qosymsha satyp alý josparlanýda. Aıta keteıik, bıylǵy 5 aıda qyzylshanyń 167 oqıǵasy tirkelgen eken.
