Qazaqstanda qyzylshaǵa qarsy vaktsınatsııa júrgiziledi
«Qazirgi tańda Qazaqstanda qyzylsha boıynsha epıdemıologııalyq jaǵdaı kóńil kónshitpeıdi. Sondyqtan, búgingi tańda bizdiń qyzmetkerlerimiz aldyn alý jumystaryna basa nazar aýdaryp otyr. Bıylǵy jyldyń 1 qańtarynan bastap elimizde 4670 jaǵdaı tirkeldi. Onyń ishinde balalardyń qyzylshaǵa shaldyǵýy 71 paıyzdy quraıdy. Sońǵy aptada elimizde 450 jaǵdaı tirkeldi», - deıdi QR DSM Qoǵamdyq densaýlyq saqtaý komıtetiniń tóraǵasy - QR Bas memlekettik sanıtarııalyq dárigeri Jandarbek Bekshın OKQ-da ótken baspasóz máslıhatynda.
Onyń aıtýynsha, qyzylsha kóbinese bes óńirde tirkelip jatyr.
«Jalpy, qyzylsha barlyq óńirlerde tirkelip jatqanyn atap ótýim kerek. Al bes óńirde órshý baıqalady. Eń birinshiden, Nur-Sultan qalasynda aǵymdaǵy jyly 1342 jaǵdaı tirkelse, Almatyda 84 jaǵdaı, Shymkentte 700-den astam jaǵdaı tirkeldi. Sol sekildi Aqmola jáne Túrkistan oblystarynda osyǵan uqsas jaǵdaı. Syrqattaný kóbinese qyzylshaǵa qarsy egilmegen balalardyń arasynda tirkeledi», - deıdi ol.
Jandarbek Bekshın atap ótkendeı, 2019 jyldyń 1 sáýirinen bastap Qazaqstanda joǵary táýekel tobyndaǵy adamdarǵa qyzylshaǵa qarsy vaktsınatsııa júrgiziledi.
«Onyń basty maqsaty - halyq arasyndaǵy ımmýnıtet deńgeıin kóterip, qyzylsha aýrýynyń tirkelýin toqtatý. Sondyqtan, qazir vaktsınatsııaǵa úsh táýekel toptaryn engizdik. Onyń ishinde birinshi osy topqa enetinder - 1 jastan kishi balalar. ıAǵnı, 9 aıdan bastap balalarǵa vaktsına egiledi. Buryn egilmegen, qyzylshamen aýyrmaǵan, 5 nemese odan da kóp jyl buryn tek bir ekpe alǵandarǵa da vaktsınatsııa júrgiziledi. ıAǵnı, olar - 30 jasqa deıingi azamattar. Úshinshiden, medıtsına qyzmetkerleri. Sebebi, barshamyzǵa málim, bul toptaǵy adamdardyń aýrýlardyń arasynda jumys isteıdi», - dedi Jandarbek Bekshın.