Qazaqstanda qyzylshaǵa qarsy egý jumystary bastaldy
Naýqan kezinde qosymsha ımmýnızatsııaǵa 15-19 jas aralyǵyndaǵy 313 myń 348 jasóspirim tartylmaq.
Barlyq oblys ortalyqtarynda osy sharany júzege asyrý boıynsha shtabtar quryldy. Olardy oblys ákimderiniń orynbasarlary basqarady. Odan basqa, egý jumystaryn jasaý jáne vaktsınalardy tasymaldaý jáne saqtaý boıynsha medıtsınalyq qyzmetkerler arasynda arnaıy semınarlar men trenıngter ótkiziledi. Aıta ketken jón, Qazaqstanda jyl basynan beri qyzylshamen aýyrǵandardyń sany ósip jatyr. Dálirek aıtar bolsaq, mınıstrliktiń esebi boıynsha, jyl basynan beri kúni búginge deıin osy aýrýǵa shaldyqqan 2000-ǵa jýyq adam tirkeldi.
Bul jerde elimizdiń barlyq óńirinde 15-19 jas aralyǵynda jastar qamtylady. Óıtkeni, Qazaqstanda qyzylshamen aýyrǵandardyń 50 paıyzdan astamy osy jastaǵy azamattar. Sondyqtan, jospar boıynsha 1,2 mln. adamnyń kem degende 80 paıyzyn qamtý kózdelýde.
Uıymdastyrýshylardyń aıtýynsha, qazirgi tańda elimizde 4 myńǵa jýyq egý beketteri daıyndaldy. Árbir brıgadanyń quramyna dáriger nemese feldsher, vaktsına jasaýshy jáne arnaıy tirkeýshi endi.
QR Densaýlyq saqtaý jáne áleýmettik damý mınıstrliginiń deregi boıynsha, elimizde jyl saıyn qyzylsha aýrýyna qarsy shamamen 5 mıllıon adamǵa ekpe jasalady eken. Olardyń ishinde 1,3 mıllıon bala bar.
Qyzylshaǵa qarsy vaktsına búkil álem boıynsha sońǵy 50 jyldan beri qoldanylyp keledi. Uıymdastyrýshylardyń aıtýynsha, Qazaqstanǵa halyqaralyq standarttarǵa saı vaktsınalyq preparattar ǵana jetkiziledi. ıAǵnı, qaýipsiz jáne aýrýdyń aldyn alýǵa óte tıimdi.
Aıta ketelik, bul shara QR Densaýlyq saqtaý jáne áleýmettik damý mınıstriniń arnaıy buıryǵy boıynsha uıymdastyrylyp otyr.