Qazaqstanda Qyzyl Krest ókildigin ashý máselesi aıaqtalýǵa jaqyn - SІM
ASTANA. QazAqparat - QR Syrtqy ister mınıstri Qaırat Ábdirahmanov Halyqaralyq Qyzyl Krest komıtetiniń (HQKK) vıtse-prezıdenti Jıl Karboneni qabyldady, dep habarlaıdy QazAqparat.
Qazaqstannyń syrtqy saıasat vedomstvosynan málim etkendeı, Jıl Karbone Astanaǵa HQKK prezıdenti Peter Maýrerdiń «ıAdrolyq qarý: jahandyq apattyń aldyn alý» atty úndeýin Qazaqstan basshylyǵyna tapsyrý úshin arnaıy kelgen.
Qyzyl Krestiń ókili Prezıdent Nursultan Nazarbaevtyń ıadrolyq qarýsyzdanýdaǵy rolin jáne birqatar daǵdarystyq jaǵdaılardy retteýdegi elimizdiń dánerkeshi áreketin joǵary baǵalady.
Taraptar Qazaqstannyń Qyzyl Krestpen yntymaqtastyǵyn, Sırııadaǵy jaǵdaıdy retteýdegi Astana protsesiniń úlesin, Aýǵanstanǵa gýmanıtarlyq kómek, qaqtyǵys aımaqtaryndaǵy HQKK-nyń dánekershi qyzmetin jáne elimizdiń BUU Qaýipsizdik Keńesiniń quramyndaǵy jumys tájirıbesin eskere otyryp, bolashaq ózara yntymaqtastyqtyń máselelerin talqylady.
Q. Ábdirahmanov Elbasynyń jaqyndaǵy bastamasy - úzdik elder arasyndaǵy ekonomıkalyq, saıası qarsylastyqtardyń ahýaldy máselelerin sheshý maqsatynda Qytaı, AQSh, Reseı, jáne Eýropa Odaǵy arasyndaǵy dıalogty jaqsartý úshin BUU-nyń arnaıy sessııasy formatyndaǵy kezedesýdi Astanada ótkizýge bolatyndyǵyn atap ótti. Bundaı dıalog sanktsııalyq jáne saýda qarsylastyǵyn joıýdy, senim ornatý, turaqty damýdy qamtamasyz etý, kedeıshilikti joıý, damyp kele jatqan álemge qolǵabys kórsetý maqsatynda terrorızmge jáne basqa da zamanaýı tegeýrindi talaptar men qaterlerge qarsy kúresti kózdeıdi.
Q.Ábdirahmanov Qazaqstandaǵy Qyzyl Krest Ókildigin ashý týraly QR Úkimeti men HQKK arasyndaǵy kelisimdi ratıfıkatsııalaý úrdisiniń aıaqtalý ústinde ekendigin habarlady.
Óz kezeginde HQKK vıtse-prezıdenti Syrtqy ister mınıstrligine Qazaqstandaǵy komıtet jumysyna qoldaý kórsetetindigine alǵys bildirdi. Sonymen qatar, ulttyq jáne óńirlik deńgeılerde, sonyń ishinde Aýǵanstanda birlesken jobalardy iske asyrýda, qazaqstandyq bitimgershilerdi daıyndaýda, quqyq qorǵaý organdarynyń qyzmetkerlerin oqytýda ózara yntymaqtastyqty keńeıtýge daıyn ekendigin atap ótti.
J.Karboneniń Astanaǵa sapary barysynda QR Syrtqy ister mınıstrligi, Halyqaralyq Qyzyl Krest Komıteti jáne Qazaqstandaǵy Shveıtsarııa Konfederatsııasynyń Elshiligi birlesip alǵash ret QR qazaq tiline aýdarylǵan 1949 jylǵy Jeneva konventsııalaryn jáne oǵan qosymsha hattamalardyń tusaýkeserin ótkizdi.
