Qazaqstanda qyzmet kórsetý salasyna tartylǵan sheteldik ınvestıtsııa 30% artty
29 qańtarda Qazaqstannyń Saýda jáne ıntegratsııa mınıstri Baqyt Sultanov Shveıtsarııa Úkimeti uıymdastyrǵan vırtýaldy formattaǵy Dúnıejúzilik saýda uıymyna múshe elderdiń saýda mınıstrleriniń beıresmı kezdesýine qatysty.
Mınıstrler DSU-nyń 12-shi mınıstrlik konferentsııanyń negizgi basymdyqtaryn pandemııa kezinde týyndaǵan daǵdarysty qalpyna keltirýge járdemdesý maqsatynda, sondaı-aq uıymnyń ózekti kún tártibi boıynsha mańyzdy nátıjelerge qol jetkizý úshin qajetti jaǵdaılardy, onyń ishinde balyq aýlaýdy sýbsıdııalaý jónindegi kelisim boıynsha kelissózderdi aıaqtaý úshin jınaldy.
Іs-sharany Shveıtsarııa Prezıdenti Gı Parmelın ashty, sondaı-aq Eýropalyq Odaqtyń Saýda jónindegi komıssary V. Dombrovskıs, Reseıdiń Ekonomıkalyq damý mınıstri M. Reshetnıkov, Qytaıdyń Kommertsııa mınıstri V. Van, Koreıa Respýblıkasynyń Saýda mınıstri M. ıÝ, DSU Bas dırektorynyń orynbasary A.Výlf sóz sóıledi.
Jalpy, is-shara 36 eldiń saýda mınıstrleri men DSU janyndaǵy ókildikter basshylarynyń qatysýymen ótti.
Qazaqstannyń Saýda jáne ıntegratsııa mınıstri Baqyt Sultanov óz sózinde kópjaqty saýda júıesi úshin jahandyq pandemııa kezeńinde DSU-ny reformalaý boıynsha jumysty jandandyrý jáne aǵymdaǵy kelissózderde mańyzdy progreske qol jetkizý boıynsha birlesken kúsh-jigerdiń mańyzdy ekenin atap ótti.
B.Sultanov DSU sot organynyń qyzmetin tolyq qalpyna keltirý jáne apellıatsııalyq organnyń qyzmetin odan ári jaqsartý qajettigin atap ótti.
Álemdik ekonomıka men saýdany qalpyna keltirýge, sondaı-aq daǵdarystan keıingi ýaqytta ornyqty jahandyq ekonomıkalyq ósýge elektrondyq saýda, ınvestıtsııalarǵa járdemdesý, sondaı-aq kórsetiletin qyzmetterdi ishki retteý salasyndaǵy jańa jahandyq saýda qaǵıdalary yqpal etetin bolady.
Atap aıtqanda, Mınıstr pandemııanyń elektrondyq saýdany damytý úshin eleýli áleýetti jáne bıznes pen tutynýshylar úshin ósip kele jatqan múmkindikterdi anyqtaǵanyn atap ótti.
Elektrondyq saýda boıynsha jańa kelisimdi ázirleý qarqyndy júrgizilýde jáne MK-12 barysynda osy baǵyttaǵy naqty sheshimder úshin jaqsy perspektıvalar bar.
Bul sala Qazaqstan ekonomıkasynda da qarqyndy damyp keledi.
Atap aıtqanda, karantındik sharalar kezeńinde elektrondyq saýda neǵurlym utymdy sektorǵa aınaldy, sonyń nátıjesinde 2020 jyldyń birinshi 1-shi jartyjyldyǵynda elektrondyq saýda naryǵynyń kólemi 435 mlrd.teńgeni qurady.
DSU-nyń elektrondyq saýda salasyndaǵy jańa kelisimi osy saladaǵy qazaqstandyq zańnamany jáne tsıfrlyq ınfraqurylymdy elektrondyq saýdadaǵy jańa jahandyq standarttarǵa sáıkes jetildirýge múmkindik beretinin atap ótý mańyzdy.
DSU-nyń kórsetiletin qyzmetter salasyn ishki retteý jónindegi jańa plıýrılateraldyq qaǵıdalary kórsetiletin qyzmetter salasyndaǵy qyzmetti júrgizý sharttarynyń ashyqtyǵyn arttyrý arqyly (ruqsat berý jáne lıtsenzııalyq rásimderdi jetildirý jáne kórsetiletin qyzmetter salasyndaǵy kedergilerdi joıý jónindegi sharalar) boljamdy iskerlik ahýaldy qamtamasyz etýge baǵyttalǵan.
Mınıstr Qazaqstan DSU-nyń aldaǵy konferentsııa barysynda kelissózderdiń tabysty aıaqtaýǵa jáne qyzmetter salasyndaǵy jańa erejelerdiń qabyldanýyna eleýli úles qosyp otyrǵanyn málimdedi, osyǵan baılanysty jaqynda uıymǵa bolashaq erejelerdi ımplementatsııalaıtyn óziniń qyzmetter tizbesin usyndy.
Osylaısha, biz DSU-nyń basqa 60 múshesine qosyldyq, olardyń úlesine jıyntyǵynda álemdik qyzmetter saýdasynyń 73% tıesili.
Mınıstr kórsetiletin qyzmetter salasyndaǵy jańa erejeler ınvestıtsııalyq ahýaldy jaqsartýǵa jáne kórsetiletin qyzmetter salasyn damytýǵa yqpal etetinin atap ótti.
Qazaqstan DSU-ǵa kirgen sátten bastap sońǵy úsh jylda kórsetiletin qyzmetter salasyna sheteldik ınvestıtsııa tartýda oń trend baıqalady, olar 30% deıin ulǵaıdy.
Jalpy, Qazaqstannyń JІÓ-degi qyzmetter sektorynyń úlesi shamamen 56% quraıdy.
Budan basqa, DSU-ǵa kirý kezinde jáne 5 jyldyq ótpeli kezeń aıaqtalǵannan keıin qabyldanǵan qarjy sektoryndaǵy mindettemelerdi oryndaý retinde 2020 jylǵy 16 jeltoqsannan bastap Qazaqstan sheteldik ınvestorlarǵa enshiles kompanııalarmen qatar elde jumys isteý úshin bankter men saqtandyrý uıymdarynyń tikeleı fılıaldaryn ashýǵa múmkindik beredi.
DSU-nyń kórsetiletin qyzmetter salasyndaǵy jańa qaǵıdalary qarjy sektoryndaǵy normatıvtik retteýdiń transparenttiligin arttyrýǵa múmkindik beredi.
Budan basqa, Qazaqstan teńizge shyǵatyn joly joq iri el, sondaı-aq teńizge shyǵatyn joly joq damýshy elderdiń jahandyq tobynyń tóraǵasy bola otyryp, osy elder tobynyń múddelerin qorǵaýdy qamtamasyz etýge erekshe múddeli, osyǵan baılanysty balyq aýlaýdy sýbsıdııalaý jónindegi kópjaqty kelisim boıynsha kelissózder aıaqtaýǵa shaqyrady.
Balyq aýlaýdy sýbsıdııalaý jónindegi kelisimniń negizgi mindeti zańsyz, tirkelmeıtin jáne rettelmeıtin balyq aýlaýǵa baılanysty balyq aýlaýǵa sýbsıdııalardy, sondaı-aq balyqty shamadan tys aýlaýǵa yqpal etetin sýbsıdııalardy qoldanýǵa tyıym salý bolyp tabylady.
