Qazaqstanda qyzamyq dertine shaldyqqandar sany 3 myń esege kemigen

ASTANA. QazAqparat - Ekpeniń arqasynda Qazaqstanda qyzamyq aýrýyna shaldyqqandar sany sońǵy 20 jylda 3 myń esege kemigen, dep habarlaıdy QazAqparat QR Densaýlyq saqtaý mınıstrliginiń Qoǵamdyq densaýlyq saqtaý komıtetiniń málimetterine silteme jasap.

Naqtyraq aıtqanda qyzamyq derti boıynsha kórsetkish 1998 jyly 15 myń 346 bolsa, 2016 jyly ol 4-ti qurap otyr. Al, 2018 jyly bul aýrý túri múldem tirkelmegen.

«Vaktsına búginde qyzamyqpen kúrestiń jalǵyz joly. Búkil álemde ol eń tıimdi, únemdi ári qoljetimdi qural bolyp tabylady»,-delingen mınıstrliktiń habarlamasynda.

Mınıstrliktiń málimetteri boıynsha, Qazaqstan Respýblıkasy profılaktıkalyq ekpeler Ulttyq kúntizbesi Dúnıejúzilik densaýlyq saqtaý uıymynyń keńesterin saı jáne kóptegen elderdiń ekpe júrgizý tártibimen sáıkes keledi (Avstrııa, AQSh, Frantsııa, Qytaı, Reseı).