Qazaqstanda qytaılyq mamandardyń úlesi basym - vıtse-mınıstr
Onyń aıtýynsha, qazirgi ýaqytta elimizde 32 myńnan astam shetel mamany qyzmet atqaryp júr.
«Bizdiń elde eki saıasat júrgiziledi: birinshisi - ishki eńbek naryǵyn qorǵaý, ekinshisi - Qazaqstan bizdiń basym jobalarymyzdy júzege asyratyn joǵary bilikti mamandardy tartý. Sondyqtan elimizde kvota men júıe engizilgen. Byltyr Qazaqstanda 32 myń 363 shetel mamany tirkelgen. Olardyń ishinde 67 paıyzy joǵary bilikti mamandar bolsa, 32 paıyzy - bilikti jumysshylar», - dep atap ótti ol.
Onyń sózi boıynsha, Qazaqstanda jumys istep jatqan sheteldik jumysshylardyń basym bóligi - qytaılyqtar.
«Sheteldik mamandardyń basym bóligin qytaılyqtar quraıdy - 41 paıyz. Shamamen 15 paıyzy nemese 5 myń adam - Túrkııa azamattary. Kelesi 4-5 paıyzdy Ýkraına, Ózbekstan, Úndistan elderiniń azamattary quraıdy», - dep atap ótti vıtse-mınıstr.