Qazaqstanda qytaılyq dári-dármekterdiń ımporty artty
ASTANA. QazAqparat - 2017 jyly Qazaqstandaǵy dárilik preparattardyń ımporty 66%-ke ósti. Qytaıdan ákelinetin dári-dármekterdiń sany 30 esege artqan, dep habarlaıdy rranking.kz.
2013 jyldan beri Qazaqstanda dárilik preparattardyń ımporty qysqaryp, sońǵy 4 jylda olardyń sany 49%-ǵa tómendegen edi. 2016 jyly $602,5 mln-ǵa dárilik preparattar ákelinse, 2015 jyly onyń quny 847,6 mln dollardy qurady. Bıyl dári-dármekterdiń ımporty arta bastady. Tórt aıdyń ishinde 235,5 mln dollarǵa 5 myń tonna (netto) preparattar jetkizildi. Onyń basym bóligi Úndistannan - 760,2 tonna ($21,1 mln), Qytaıdan - 738 tonna ($0,8 mln), Germanııadan - 737 tonna ($45,3 mln) jáne TMD elderinen - 626 tonna ($7,9 mln) ákelindi.
Aıta keteıik, tórt aıda Qytaıdan ımporttalatyn dárilerdiń sany 30 esege ósti, al Úndistannan jetkiziletin preparattardyń kólemi - 54%-ǵa artyp, germanııalyq dári-dármekterdi úshinshi orynǵa yǵystyrdy.
Preparattardyń quny boıynsha Germanııa eń iri ımportshy atandy - jyldyń basynan beri jetkizilgen dári-dármekterdiń somasy 45,3 mln dollarǵa jetken.
Otandyq dárilik preparattardyń óndirisi jyl saıyn orta eseppen 32%-ǵa artyp keledi. Tórt aıdyń ishinde medıtsınalyq óndiris sany ótken jylmen salystyrǵanda 36%-ke ósip, 6,2 myń tonnany qurady.
