Qazaqstanda qys túskeli 70-ten astam qar kóshkini júrdi

ASTANA. QazAqparat – Qazaqstanda qar kóshkini qaýpine qatysty jaǵdaı quzyrly organdardyń baqylaýda. Tolyǵyraq Tótenshe jaǵdaılar birinshi vıtse-mınıstri Ibragım Kúlshimbaev aıtyp berdi, dep habarlaıdy QazAqparat tilshisi.

«Qys túskeli massasy 55 myń tekshe metrden asatyn 57 tabıǵı qar kóshkini tirkeldi. Atap aıtqanda, Almaty qalasy, Almaty oblysy jáne ShQO aýmaǵynda. Qaýipsizdikti qamtamasyz etý maqsatynda «Qazseldenqorǵaý» memlekettik mekemesi jalpy kólemi 250 myń tekshe metr qoldan (profılaktıkalyq shara) 74 qar kóshkinin jasady. Zardap shekkender jáne adam shyǵyn joq», - dedi Ibragım Kúlshimbaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, qar kóshkine qatysty jaǵdaı mınıstrliktiń baqylaýynda.

«Qar kóshkini jaǵdaıyn baqylap, baǵalaıtyn jáne qaýip tóngen jaǵdaıda eskertetin qyzmet jumys istep tur. Almaty qalasy men ShQO-nyń taýly aımaqtarynda shashamen 2 myńǵa jýyq qar ustaıtyn qalqandar qoıyldy. Sonymen qatar ýchaskelerde aqparattyq jáne eskertý belgileri ornatylǵan», - degen aqparat berdi mınıstrdiń orynbasary.

TJM dereginshe qar kóshkini jumysyna 112 maman jáne 56 birlik tehnıka jumyldyryldy.

Aıta keteıik, elimizde taýǵa saıahattaýdy unatatyn týrısterge arnalǵan mobıldi qosymsha ázirlenip jatyr.

Ashyq kózderden alynǵan foto