Qazaqstanda «Qys 2016» komandalyq-shtabtyq oqý-jattyǵýy bastaldy
Árbir oblystyq bólimshe qys bastalar aldynda apattyq-qutqarý qyzmetter men quralymdardyń daıyndyǵyn tekseredi. Pavlodar oblysynyń aýmaǵynda «Qys-2016» respýblıkalyq komandalyq-shtabtyq oqý-jattyǵý saǵat 9.00-de bastaldy. Birinshi kezeń barysynda qys kezeńindegi tótenshe jaǵdaılardyń saldaryn joıý kezindegi qutqarý jáne apattyq-qalpyna keltirý jumystaryna tartylatyn aýmaqtyq bólimshelerdiń basqarý organdarynyń, kúshter men qurylymdarynyń ázirligi tekseriledi. Kúsheıtilgen jumys rejımine kóshý júzege asyrylýda.
Departamenttiń daǵdarys ortalyǵynda Qazaqstan Respýblıkasynyń mınıstrlikteri men vedomstvolary atynan jedel toptardyń ókilderi, respýblıkalyq oqý-jattyǵý shtabynyń músheleri, AQ jáne TJ qyzmetteriniń basshylary jınaldy, olardyń nazaryna qoıylǵan mindetter jetkizildi.
QR ІІM TJ komıteti tóraǵasynyń orynbasary azamattyq qorǵaý polkovnıgi - oqý basqarý shtabynyń bastyǵy M.M.Kúldikov baǵynysty qurylymdar men qúshterdiń qutqarý jáne basqa kezek kúttirmeıtin jumystardy oryndaýǵa daıyndyǵy týraly beınekonferentsııalyq baılanys rejıminde oblystyń, Astana jáne Almaty qalalary TJ departamentteriniń bastyqtarymen selektorlyq jınalys ótkizdi.
TJ departamentinde jaýyngerlik esep jumysy uıymdastyryldy. Oblystyq azamattyq qorǵanys qyzmetimen, qala jáne aýdandardyń tótenshe jaǵdaılardy aldyn alý jáne olardy joıý jónindegi komıssııalarmen turaqty baılanys ornatyldy, basqarma sıgnaldary men nusqaýlaryn habarlaý, aqparat suraý jáne is-sharany oryndaý týraly habar jetkizilip otyrdy. Іs-sharalarǵa qarjy, materıaldyq-tehnıkalyq jáne basqa resýrstardyń kúshteri men quraldaryn tartý boıynsha esep toptar naqtylanyp túzetildi.
