Qazaqstanda qyrkúıekte bıdaı tıeý kólemi 28 paıyzǵa ósti
NUR-SULTAN. QazAqparat – «Qazaqstan temir joly» UK» AQ jelilerinde 2020 jyldyń qyrkúıeginde jalpy júk tıeý kórsetkishi ótken jyldyń uqsas kezeńimen salystyrǵanda 2 paıyzǵa, ıaǵnı 22,5 mon tonnaǵa ósti, dep habarlaıdy QazAqparat tilshisi.
«Qyrkúıek aıynda tas kómirdi tıeý mólsheri 8,6 mln tonnaǵa jetti. Onyń ishinde respýblıkalyq baǵytta 5,9 mln tonna tıelse, eksportqa qatty otynnyń 2,7 mln tonnasy jóneltildi. Áleýmettik mańyzdy ekinshi júktiń, ıaǵnı bıdaıdy tıeý kórsetkishi 885 myń tonnaǵa jetip, ótken jyldyń qyrkúıek aıyndaǵy kórsetkishten 28 paıyzǵa joǵary mólsherdi kórsetti», - dep habarlaıdy «QTJ — Júk tasymaly» AQ baspasóz qyzmeti.
Jalpy júk tıeý salasynda oń dınamıka qara metall (42 paıyz – 423 myń tonnaǵa deıin), hımııalyq tyńaıtqyshtar (8 paıyzǵa – 318 myń tonnaǵa), temir jáne marganets keni (6 paıyzǵa – 2,5 mln tonna), túrli-tústi ken (10 paıyzǵa – 2 mln tonna) salasynda baıqalady. 2020 jyldyń qańtar-qyrkúıek aılarynda jalpy tıeý mólsheri 180 mln tonnaǵa jetken. Ótken jyldyń uqsas kezeńimen salystyrǵanda bul kórsetkish ózgerissiz qalyp otyr.
«Osy ýaqyt aralyǵynda 73 mln tonnadan artyq tas kómir tıeldi. Onyń 20,8 mln tonnasy – eksport. Qazaqstan boıynsha qatty otyndy tıeý mólsheri 5 paıyzǵa artyp, 52 mln tonnaǵa jetti. 6,1 mln tonna bıdaı ákelindi. Onyń 4,4 mln tonnasy – eksporttyq ónimder», - delingen habarlamada.
