Qazaqstanda qyrkúıek aıynda AI-92 markaly janarmaıdyń 180 myń tonnasy óndiriledi

ASTANA. QazAqparat - Qazaqstanda qyrkúıek aıynda 250 myń tonnaǵa jýyq janarmaı óndiriledi, onyń 180 myń tonnasy AI-92 markaly benzın bolmaq. Bul týraly búgin Ortalyq kommýnıkatsııalar qyzmetinde ótken brıfıngte QR Energetıka vıtse-mınıstri Uzaqbaı Qarabalın aıtty.

«Osy aıda biz elimizdegi zaýyttarda shamamen 250 myń tonna janarmaı óndiretin bolamyz. Zaýyttar tolyq júktememen jumys istep tur. Osynyń nátıjesinde AI-92 markaly janarmaıyn óndirý kólemi 186 myń tonnaǵa jetedi dep josparlap otyrmyz», - dedi vıtse-mınıstr.

Onyń aıtýynsha, búginde Qazaqstannyń naryǵy aıyna 280 myń tonna janarmaı tutynady. «Biraq ózderińiz bilesiz, biz sonyń úshten bir bóligin únemi Reseıden ımporttap kelemiz», - dedi U. Qarabalın.