Qazaqstanda qylmystyq jolmen alynǵan múlikterdi tárkileýdiń jańa ınstıtýty engizilmek
ASTANA. QazAqparat - Qazaqstanda qylmystyq jolmen alynǵan múlikterdi tárkileýdiń jańa ınstıtýtyn engizý josparlanýda. Al tárkilengen múlikterdiń «taǵdyry» sot otyrystary arqyly sheshimin tappaq.
Bul týraly búgin Parlament Májilisinde jańa Qylmystyq kodeks jobasyn ekinshi oqylymda talqylaý barysynda málim boldy.
«Biz búgingi kúni sottarǵa jalpy ıýrısdıktsııany berý máselesin qarastyryp jatyrmyz. Bul qalaı bolady? ıAǵnı, joǵaryda atalǵan máseleler tolyqqandy sot otyrystarynda júzege asady degen sóz. Bul rette jalǵyz ǵana sýdıa emes, sot otyrystarynda tárkilengen múlikke baılanysty máseleler prokýrordyń, advokattyń, sondaı-aq barlyq múddeli taraptyń qatysýymen qaralyp, onda qylmystyq jolmen alynǵan múlikterdiń tárkilengennen keıingi «taǵdyry» sheshimin tabady», - dedi depýtat Ramazan Sárpekov.
Onyń sózine qaraǵanda, Kodeks jobasyn talqylaý barysynda bul másele tujyrymdamaly túrde qoldaý tapty.
«Bastapqyda jobany ázirleýshiler bul suraqty tergeý sýdıalarynyń quzyretine jatqyzǵan bolatyn. Al tergeý sýdıasy negizinen onyń barlyq máselelerdi sotqa deıingi óndiriste qadaǵalaýy úshin jasalyp jatyr», - dedi R. Sárpekov.
