Qazaqstanda qylmystyq-jazalaý áreketiniń eki býyndy júıesi engiziledi - I. Merkel
Bul týraly búgin Májilistiń Zańnama jáne sot-quqyqtyq reforma komıtetiniń keńeıtilgen otyrysynda Bas prokýror orynbasary Iogan Merkel málim etti. Eske salsaq, otyrysta Qylmystyq kodeks jobasynyń jańa redaktsııasy talqylanǵan bolatyn.
I. Merkeldiń aıtýynsha, zań jobasynyń tujyrymdamasy arqyly aıqyndalǵan maqsaty boıynsha jańa qylmystyq-quqyqtyq ınstıtýttar qurý qarastyrylady. «Budan bólek, qylmystyq-quqyqtyq qorǵaýdyń qoldanystaǵy tetikteri jańǵyrtylady. Bul negizinen buryn belgisiz bolyp kelgen qaterlerdiń týyndaýynan oryn alyp otyrǵan qubylys. Jalpy alǵanda, bul sharalar tulǵalardyń, qoǵam men memlekettiń qaýipsizdigi men qorǵanysyn qamtamasyz etýge qatysty týyndap otyr», - deıdi I. Merkel.
Onyń sózine qaraǵanda, Qylmystyq kodeks jobasynyń asa mańyzdy jańalyqtarynyń biri qylmystyq-jazalaý áreketterinde eki býyndy júıeni engizý bolyp tabylady. Onyń ózi qylmystyq ister men qylmystyq áreketterden turady. «Bul rette qylmystyq áreketterge jeke tulǵalardyń quqyn buzatyn, qoǵamdyq qaýipsizdikke qatysty máseleler, kámeletke tolmaǵandardyń quqynyń qorǵalýy, sonymen qatar, asa aýyr emes qylmystar qamtylyp otyr», - deıdi Bas prokýrordyń orynbasary.
