Qazaqstanda qylmysqa urynatyn sheteldikter belgili boldy
ASTANA. QazAqparat - QR Іshki ister mınıstri qaı shet memlekettiń azamaty elimizde kóp qylmys jasaıtyndyǵyn jarııa etti.
QazAqparattyń resmı saýalyna jaýap bergen vedomstvonyń aqparatyna sáıkes, aǵymdaǵy jyldyń 1 qańtary men 24 aqpany aralyǵynda elimizdiń Qylmystyq is júrgizý kodeksiniń 128-shi baby boıynsha 63 TMD azamaty ustalǵan.
«Onyń 20-sy - Ózbekstan Respýblıkasynyń azamaty, 19-y - Reseı Federatsııasynyń azamaty, 16-sy - Qyrǵyz Respýblıkasynyń azamaty jáne eki-ekiden Tájikstan, Ázerbaıjan jáne Ýkraına azamattary»,- delingen habarlamada.
Munan bólek, qylmys jasaǵan Qytaıdyń jáne Mońǵolııanyń bir-bir azamaty ustalǵan.
