Qazaqstanda qylmys jasaǵandardyń kópshiligi jumyssyzdar - statıtıka
NUR-SULTAN. QazAqparat - 2020 jyldyń III toqsanynda elimizde qylmys jasaǵan 57,2 myń adam anyqtaldy. Bul týraly QR UEM Statıstıka komıtetinen málim etti, dep habarlaıdy QazAqparat tilshisi.
«Respýblıkanyń quqyq qorǵaý organdary qylmys jasaǵan 57,2 myń adamdy anyqtap (2019 jylǵy III toqsanmen salystyrǵanda 23,1 paıyz az), 28,2 myń adam qylmystyq jaýapkershilikke tartyldy (4,1 paıyz kóp). Qylmys jasaǵan barlyq anyqtalǵan adamdardyń kópshiligi jumyssyzdar - 82,2 paıyz», - delingen komıtet aqparatynda.
Vedomstvo málimetinshe, ortasha alǵanda Qazaqstanda qylmys jasaǵan árbir jetinshi adam mas kúıinde, ár toǵyzynshysy derlik top quramynda bolǵan. Qylmys jasaǵan adamdardyń jalpy sanynan 1367 adam nemese 2,4 paıyzy - kámeletke tolmaǵandar. Bul ótken jyldyń sáıkes kezeńimen salystyrǵanda 36,4 paıyzǵa az. Olardyń ishinde tómendegi jas aralyǵynda jasalǵan qylmystar: 14-15 jas – 256 (2019 jylǵy III toqsanda - 460) adam nemese kámeletke tolmaǵan quqyq buzýshylar sanynyń 18,7 paıyzy; 16-17 jas – 1111 (1688) adam nemese 81,3 paıyzy.
