Qazaqstanda KVI juqtyrǵandardyń ishinde saýyqqandardyń úlesi 66 paıyzǵa jetti
«Memleket basshysy tapsyrmasymen osy jyldyń 5 maýsymynan bastap koronavırýstyń taralýyna baılanysty Qazaqstan boıynsha jarııalanǵan qatań sharalar kezeńi óz nátıjesin berdi. Búgingi tańda aýrýdyń táýliktik ósimi 4 paıyzdan 1,7 paıyzǵa tómendedi. Dertten jazylǵandardyń sany 66 paıyzǵa jetti. Jedel járdemderdi shaqyrý sany 40 paıyzǵa, onyń ishinde koronavırýsqa baılanysty shaqyrý 52 paıyzǵa azaıdy. Aýrýhanalardaǵy jatatyn oryndardyń qoldaný deńgeıi 90 paıyzdan 40 paıyzǵa tómendep otyr. Osyǵan baılanysty jeti óńirde qosymsha 15 provızorlyq statsıonar jabyldy. Jedel járdem shaqyrǵandardyń sany 40 paıyzǵa, onyń ishinde pnevmonııa boıynsha 35 paıyzǵa tómendedi», - dedi Úkimet basshysynyń orynbasary Eraly Toǵjanov OKQ-daǵy baspasóz máslıhatynda.
Onyń aıtýynsha, aýrýhanalar men emhanalarda bir aılyq dári-dármek qory qurylyp, bólshek saýda naryǵyn qoldaý úshin shetelden 10 mıllıonǵa jýyq dári-dármek jetkizilgen.
Eske sala ketsek, keshe Memleket basshysy Qasym-Jomart Toqaev epıdemıologııalyq ahýaldy turaqtandyrý jóninde keńes ótkizip, karantın sharalaryn eki aptaǵa uzartýdy tapsyrǵan bolatyn.