Qazaqstanda KVI-ǵa qarsy vaktsına alýshylar sany táýligine 12 esege artty - DSM

NUR-SULTAN. QazAqparat – Qazaqstanda vaktsınatsııalaý naýqany bastalǵan sátten beri koronavırýsqa qarsy shamamen 1,8 mln doza vaktsına qoldanyldy. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Vaktsına jetkizý josparǵa saı júrgizilip jatyr. Sáýir aıynyń sońynda aqpannan bastap ósim qorytyndysymen vaktsınanyń 2,3 mln dozasy jetkizildi. Vaktsınatsııalaý qarqyn alyp kele jatyr. Máselen, 1 sáýirmen salystyrǵanda, táýlik ishinde birinshi jáne ekinshi dozamen egilgenderdiń sany 12 esege artyp, táýligine 11 myńnan 135 myń adamǵa deıin ulǵaıdy», - dedi mınıstr.

Onyń atap ótýinshe, halyqty egý jumysyna 11 myń medtsına qyzmetkeri, 1 myńnan astam statsıonarlyq egý pýnkti jáne 400 jyljymaly pýnkt jumyldyrylǵan. Vaktsınatsııalaý pýnktteri 2 aýysymmen saǵat 24-00-ge deıin jáne demalys kúnderi de jumys istep jatyr.

«Qazaqstanda vaktsınatsııalaý naýqany bastalǵan sátten beri koronavırýsqa qarsy shamamen 1,8 mln doza vaktsına qoldanyldy. Degenmen, óńirlerdiń ákimderi qazirgi ýaqytta aýyl turǵyndaryn vaktsınatsııalaýǵa nazar aýdarǵany jón. Bul maqsatqa jyljymaly medıtsınalyq keshenderdiń múmkindikterin jan-jaqty paıdalaný qajet», - dedi Alekseı Tsoı.