Qazaqstanda KVI-den emdeý hattamasyna jańa shema engizildi

NUR-SULTAN. QazAqparat – Qazaqstanda koronavırýs ınfektsııasyn juqtyrǵan adamdardy emdeý hattamasyna jańa shema engizildi. Bul týraly Densaýlyq saqtaý vıtse-mınıstri Lıýdmıla Bıýrabekova málim etti, dep habarlaıdy QazAqparat tilshisi.

«Qazirgi ýaqytta koronavırýs ınfektsııasy boıynsha epıdemıologııalyq jaǵdaı kúrdelenip barady. Aýrýdyń belgisi joq kúıinde de, belgisi aýyr kúıinde de tirkelip jatqandar artýda. Buǵan qosa dári-dármekpen qamtamasyz etý problemasy da ózekti bolyp tur. Naqtyraq aıtqanda keıbir preparat bólshektik saýda aınalymynan joǵalyp ketti», - dedi vıtse-mınıstr OKQ-da ótken baspasóz máslıhatynda.

Óz sózinde Lıýdmıla Bıýrabekova koronavırýs juqtyrý jaǵdaıy boıynsha eldegi sońǵy málimetterdi jarııa etti. https://www.coronavirus2020.kz/kz

«Qazirgi tańda koronavırýs juqtyrǵan naýqastar KVI-di dıagnostıkalaý men emdeý hattamasyna sáıkes emdelip jatyr. Bul qujat Densaýlyq saqtaý mınıstrliginiń sapa boıynsha birlesken komıssııasymen osy jyldyń qańtar aıynda ázirlenip, bekitilgen bolatyn. Halyqaralyq deńgeıde jańa málimetterdiń túsýin jáne osy ýaqytqa deıin tájirıbeni eskere otyryp, bul qujat birneshe ret qaralyp, onyń sońǵy nusqasy eki kún buryn maquldandy. Qujatqa em-domnyń jańa shemasy – etıotropty em, vırýsqa qarsy terapııa engizildi. Preparattardyń sany 4-ke artty. Qazirgi tańda lapınovır, retonovır qoldanysta. Ol em-dom shemasynda bolǵan. Al qujat boıynsha qazir hlorohın jáne gıdroksıhlorohın, rendısıvır jáne Japonııa, RF-da keńinen qoldanysqa engizilgen favıaperavır engizildi», - dedi ol.

Vıtse-mınıstr bul preparattardyń bári de tek statsıonarlarda qoldanylatynyn jetkizdi.

«Klınıkalyq tájirıbeler arqyly sońǵy hattama maquldandy. Ambýlatorııalyq deńgeıde lapınovır, retonovır jáne gıdroksıhlorohınmen emdeýge bolatyny týraly sheshim qabyldandy», - dedi ol.