Qazaqstanda kvazımemlekettik kompanııalardyń dıvıdendtik saıasaty qaıta qaralady

NUR-SULTAN. QazAqparat – Úkimet basshysynyń orynbasary – Qarjy mınıstri Álıhan Smaıylov respýblıkalyq bıýdjetti sáýir aıynyń ortasynda naqtylaý jobasyn daıyndaýdy usyndy, dep habarlaıdy QazAqparat tilshisi.

«Teńge baǵamyna baılanysty birqatar shyǵystar ındeksatsııalanady. Bul memlekettiń boryshynyń qyzmetin kórsetý, kepildendirilgen tegin medıtsınalyq kómek, shetelde Qazaqstan azamattaryn emdeý, «Bolashaq» baǵdarlamasy boıynsha oqytý jáne basqa da shyǵystar. Sonymen birge bıýdjet teńgerimdiligin qamtamasyz etý sheńberinde taǵy bir baǵyt – ol kvazımemlekettik kompanııalarynyń dıvıdendtik saıasatyn qaıta qaraý», - dedi Álıhan Smaıylov Úkimet otyrysynda.

Úkimet basshysynyń orynbasary óz sózinde aıtylǵan barlyq sharany júzege asyrý úshin respýblıkalyq bıýdjetti sáýir aıynyń ortasynda naqtylaý jobasyn daıyndaý usynylady.

«Jergilikti atqarýshy organdar jergilikti bıýdjetterdiń shyǵystaryn ońtaılandyrý úshin osyndaı jumystardy júrgizýi qajet», - dedi ol.