Qazaqstanda kúzgi jáne qysqy ańshylyq maýsymy bastaldy
Bul týraly búgin QR AShM Orman sharýashylyǵy jáne janýarlar dúnıesi komıteti tóraǵasynyń orynbasary Qaırat Ústemirov málim etti.
«Negizi kúzgi jáne qysqy ańshylyq maýsymy elimizde 2017 jylǵy qyrkúıek aıynyń birinshi senbisinde ashylyp, ańdar men qustardyń túrine baılanysty 2018 jyldyń 15 aqpanyna deıin sozylady. Qyrkúıek aıynan bastap maralǵa, aıýǵa, sibirtaý eshkisine, elikke, qabanǵa, shilge, qarabaýyrǵa jáne jabaıy qustardy aýlaýǵa ruqsat etiledi», - dedi Qaırat Ústemirov.
Ań aýlaý úshin adamnyń jasy 18-ge tolýy kerek. Sonymen birge, onyń arnaıy ańshylyq kýáligi men rusat etilgen qujaty bolýy shart. Sheteldikter shekaradan ańshylyq qarýyn ótkizý týraly ruqsat qaǵazymen ańshylyq sharýashylyqtarymen kelise otyryp, ań aýlaı alady. Aıýǵa jáne tuıaqty janýarlardy aýlaý mindetti túrde ınspektorlardyń qaraýymen ótedi.
«Ańshylyq sharýashylyq sýbektileri janýarlar dúnıesiniń obektilerin aýlaýǵa janýarlar dúnıesin qoldaný týraly ruqsatyn alǵan sátten bastap kvota boıynsha quqyly. Al jeke jáne zańdy tulǵalar ańshylyq sharýashylyqtarynan joldama alǵannan keıin nemese olarmen ań aýlaýǵa kelisimshartqa otyrǵannan keıin ań aýlaı alady», - deıdi Qaırat Ústemirov.