Qazaqstanda kúzge qaraı kartop arzandaýy múmkin

ASTANA. KAZINFORM – Bıyl elimizde kartop egý alqaby 20 myń gektarǵa ulǵaıtyldy. Bul týraly Aýyl sharýashylyǵy mınıstri Aıdarbek Saparov málim etti.

- Saýda jáne ıntegratsııa mınıstrimen birqatar otyrys ótkizdik, qazir de birlese jumys istep jatyrmyz. Eger baǵa shekten asyp ketse, biz satýshylarǵa belgili bir mólsherde aıyppul salamyz. Bul baǵyttaǵy jumystar júrgizilip jatyr, - dedi Aıdarbek Saparov Úkimet otyrysynan keıin ótken baspasóz máslıhatynda.

Mınıstr keltirgen málimetke súıensek, bıyl kartop egý alqaby 20 myń gektarǵa ulǵaıtyldy.

- Bıyl meniń oıymsha, mol ónim bolyp, kartop jetkilikti kólemde jınalady. Kúzde baǵa tómendeıdi dep oılaımyn, - degen boljam jasady vedomstvo basshysy.

Eske sala ketsek, maýsymda elimizge kedendik bajsyz kartop ımporttaýǵa múmkindik berildi.

Sondaı-aq kartop baǵasyn ósirgenderge aıyppul salynatyny aıtyldy.