Qazaqstanda kúzde koronavırýs ekinshi ret órshýi múmkin – epıdemıologtar boljamy
Densaýlyq saqtaý mınıstri Eljan Birtanovpen vıdeokonferentsııa ótkizgen epıdemıolog-ǵalymdardyń pikirinshe, koronavırýs ınfektsııasy kúzde tumaýmen birge qaıta órshýi yqtımal. Sarapshylar osy sebepti halyqtyń kóbine tumaýǵa qarsy vaktsına jasalýy kerektigin aıtady.
«Maýsymdyq gıpotezany qazir eshkim joqqa shyǵaryp otyrǵan joq. Maýsymdyq jaǵdaıda tumaý qatty júrmeýi yqtımal. Tıisinshe jazda epıdemııa jalǵasýy múmkin. Kúzde de ol ary qaraı kezdese beredi», - deıdi S.Aspendııarov atyndaǵy qazaq ulttyq medıtsına ýnıversıtetiniń zertteý jumystary boıynsha prorektory Baýyrjan Júsipov.
COVID-19 aýrýyn zertteý úshin qazaqstandyq ǵalymdar bıomaterıaldar bankin qurýdy usynyp otyr. Telearnanyń habarlaýynsha, Qazaqstanda koronavırýs juqtyrǵandardy san jaǵynan altynshy hattamamen emdeýde.
Ǵalymdarmen kezdesý barysynda mınıstr Ulttyq ınfektsııalyq aýrýlar ortalyǵyn qurý týraly sóz qozǵaǵan.