Qazaqstanda kúz qandaı bolady

ASTANA. KAZINFORM— Sınoptıkter 2024 jyldyń kúzine arnalǵan aýa raıynyń aldyn ala boljamyn jasady.

Qyrkúıektiń birinshi onkúndiginde jaýyn-shashyn az, jyly aýa raıy saqtalady, sodan keıin atmosferalyq fronttardyń jıi ózgerýi baıqalady, bul respýblıkanyń kóp bóliginde turaqsyz aýa raıyna ákeledi.

Jańbyr, ekpindi jel jáne aýa temperatýrasynyń jıi aýytqýy kútiledi, al soltústik aımaqtarda túnde 1-7°C deıin úskirik bolýy múmkin.

Ońtústik oblystarda joǵary qysymdy aımaqtyń áserinen jaýyn-shashyn normadan az bolady dep boljanýda, al temperatýralyq fon salystyrmaly túrde jyly bolady. Alaıda, bir aı ishinde temperatýra birte-birte tómendeıdi: túnde +15+23°C-tan +3+10°C-qa deıin, al kúndiz +25+35°C-tan +15+23°C-qa deıin.

Qyrkúıek aıynda aýanyń ortasha aılyq temperatýrasy respýblıkanyń basym bóliginde normadan 1° joǵary, batysta, respýblıkanyń shyǵysy men ońtústik-shyǵysyndaǵy taýly aımaqtarda normaǵa jaqyn bolady.

Qyrkúıek aıyndaǵy jaýyn-shashyn mólsheri respýblıkanyń basym bóliginde qalypty shamada jáne normadan joǵary, ońtústik oblystarda normadan tómen bolady dep boljandy.

Buǵan deıin Soltústik Qazaqstan oblysynyń sınoptıkteri kúzge maýsymdyq boljam jasaǵan bolatyn.