Qazaqstanda Qutqarýshylar kúni atalyp ótýde

ASTANA. QazAqparat - Búgin Qazaqstan Respýblıkasy Іshki ister mınıstrligi Tótenshe jaǵdaılar komıtetiniń qyzmetkerleri ózderiniń kásibı merekesi - Qutqarýshylar kúnin atap ótýde.

Qazaqstan Respýblıkasynyń Prezıdenti - Ult Kóshbasshysy N.Á. Nazarbaev 1995 jylǵy 19 qazanda tótenshe jaǵdaılar jáne Azamattyq qorǵanys salasyndaǵy ýákiletti ortalyq atqarýshy organdy qurý týraly Jarlyqqa qol qoıdy. Bul TJ-nyń aldyn alý jáne olardy joıýdyń tıimdi júıesin qurý isindegi sheshýshi sát boldy.

Qutqarýshy kúnin merekeleý aıasynda Qazaqstan Respýblıkasy Іshki ister mınıstrliginiń Tótenshe jaǵdaılar komıteti jáne onyń aýmaqtyq bólimsheleri barlyq oblystarda merekelik is-sharalar ótkizedi.

Astana qalasyndaǵy «Kongress-Holl» ǵımaratynyń aldynda zamanaýı qutqarý tehnıkalary qoıylatyn bolady.

Sondaı-aq «Kongress-Holl» kontsert zalynda kásibı mereke - Qutqarýshy kúnine arnalǵan kontsert ótedi, ardagerler men qyzmetkerlerge nagradalar tabys etiledi.