Qazaqstanda qustarmen soqtyǵysqan áýe kemesi birqatar reısti keshiktirdi
ASTANA. KAZINFORM — 2026 jylǵy 4 qarashada Qyzylorda — Astana baǵyty boıynsha IQ426 reısin oryndaý kezinde UP-DH003 áýe kemesi qustarmen soqtyǵysty. Bul týraly Vietjet Qazaqstan áýe kompanııasynyń resmı saıtynda habarlandy.
— Osy oqıǵanyń saldarynan áýe kemesine qosymsha tehnıkalyq tekserýler júrgizý qajettiligi týyndady. Osyǵan baılanysty áýe kompanııasynyń ushý kestesine ózgerister engizilip, bul birneshe baǵyt boıynsha birqatar reıstiń keshigýine ákeldi. Jolaýshylar men ekıpaj músheleriniń qaýipsizdigi áýe kompanııasy úshin sózsiz basymdyq sanalady. Barlyq qajetti tehnıkalyq is-sharalar avıatsııalyq qaýipsizdik jáne áýe kemelerin tehnıkalyq paıdalaný talaptaryna sáıkes júrgizilip jatyr, — delingen habarlamada.
Qazir áýe kompanııasy jaǵdaıdyń ushý kestesine áserin barynsha azaıtý jáne reısterdiń qalypty oryndalýyn tezirek qalpyna keltirý úshin barlyq qajetti sharalardy qabyldap jatyr.
— Jolaýshylarǵa óz reısteriniń mártebesi týraly ózekti aqparatty avıakompanııanyń resmı arnalary arqyly qadaǵalap otyrý, sondaı-aq qosymsha suraqtar týyndaǵan jaǵdaıda áýe kompanııasy ókilderine júginý usynylady, — dep eskertti kompanııanyń baspasóz qyzmeti.
Osydan buryn Qazaqstannyń qaı áýejaılarynda ushaqtar qustarmen jıi soqtyǵysatynyn jazǵanbyz.
