Qazaqstanda qus etiniń óndirisi artty

NUR-SULTAN. QazAqparat – Osy jyldyń qańtar-shilde aılarynda balǵyn jáne tońazytylǵan qus etiniń óndirisi 64,2 myń tonnany qurady. Bul bir jyl burynǵyǵa qaraǵanda 3,5%-ǵa kóp. Sondaı-aq, 75,9 myń tonna úı qusynyń muzdatylǵan eti óndirilip, 2021 jylǵy qańtar-shildege qaraǵanda 0,1%-ǵa artyq. Bul týraly QazAqparat energyprom.kz saıtyna silteme jasap.

Óndiristiń basym bóligi Almaty jáne Aqmola oblystaryna tıesili. Máselen, Aqmola oblysynda 38,4% balǵyn nemese tońazytylǵan jáne 18,6% muzdatylǵan qus eti, Almaty oblysynda — 16,6% balǵyn nemese salqyndatylǵan jáne 50,6% muzdatylǵan qus eti óndirildi.

Osy jyldyń tamyz aıynyń qorytyndysy boıynsha qus etiniń quny bir jylda 27,9%-ǵa qymbattaǵan. Onyń ishinde taýyq 25,9%-ǵa, taýyqtyń san eti — 28,5%-ǵa, keýdesi - 29,3%-ǵa, jilinshik pen san - 29,5%-ǵa ósken.

Óńirlik bóliniste qus baǵasy Mańǵystaý oblysynda qatty qymbattaǵan: 43,8%-ǵa. Antılıderler úshtiginde Aqtóbe (37,8%) jáne Pavlodar (35,2%) oblystary da bar. Eń arzan baǵa Qaraǵandy oblysynda tirkeldi: jylyna 15%.

Osy jyldyń tamyz aıynda QR dúken sóreleri men bazarlarynda bir keli taýyq eti 1,3 myń teńge, bir keli taýyqtyń san eti — 1,2 myń teńge boldy.