Qazaqstanda qurylystaǵy tehnıkalyq retteýdiń tolyq jaramdy júıesin jasaý úshin ulttyq júıeniń barlyq komponentterin reformalaý qajet - S. Nokın
ASTANA. Qańtardyń 25-i. QazAqparat /Qanat Mámetqazyuly/ -Qazaqstanda qurylystaǵy tehnıkalyq retteýdiń tolyq jaramdy, jumysqa qabiletti júıesin jasaý úshin ulttyq júıeniń barlyq komponentterin reformalaý qajet.
Búgin QR Parlamenti Májilisinde ótken Úkimet saǵatynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti, dep habarlaıdy QazAqparat.
«Bul rette normatıvtik bazany, sáıkestikti baǵalaýdy, qadaǵalaý jáne baqylaý júıelerin reformalaýdy bir mezgilde jáne ózara baılanystyra otyryp júrgizgen abzal. Belgilengen reformanyń keń aýqymdy jáne tehnıkalyq jaǵynan kúrdeli ekenin negizge alsaq, jobany iske asyrýǵa aıtarlyqtaı qarjylyq, materıaldyq, eńbek jáne aqparattyq resýrstardy jumyldyrý qajet. Sonymen birge, reformanyń negizgi kezeńderin oryndaý 2010-2014 jyldarǵa josparlanyp otyr», dedi S. Nokın.
Onyń aıtýynsha, reformany júzege asyrýda birqatar qaǵıdatty maqsattar qamtylatyn bolady. Máselen, qurylys salasyn tehnıkalyq retteýdiń normatıvtik bazasynyń barlyq satylaryna «tómennen joǵaryǵa qaraı» qaǵıdasy boıynsha reforma júrgizilýi tıis. ıAǵnı, bul rette qurylys normalary men standarttarynan bastap salalyq zańnamalyq aktiler jasaý kózdeledi.
«Osyǵan baılanysty Agenttik jýyq arada Úkimetke 2010 jyldyń alǵashqy toqsanynda reforma júrgizý strategııasyn jáne qajetti qarjy resýrstary belgilengen is-sharalar josparyn usynatyn bolady», dedi Tóraǵa.
