Qazaqstanda qurylystaǵy baǵalar 2,7 paıyzǵa qymbattady

ASTANA. QazAqparat - Qazaqstanda qurylystaǵy baǵalar osy jyldyń shilde aıynda 2017 jyldyń jeltoqsanymen salystyrǵanda 2,7 paıyzǵa qymbattady, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Naqtyraq aıtqanda, qurylys-montajdaý jumysyndaǵy baǵalar jyl basynan beri 2,8 paıyzǵa, kólikter men qurylǵylar 2,23 paıyzǵa, osy saladaǵy ózge de jumystar 2,8 paıyzǵa qymbattaǵan.

Qurylys uıymdary satyp alǵan materıaldar, kerek-jaraqtar men qurylymdar baǵasynyń ósimi 0,4 paıyzdy quraǵan.

Osy jyldyń alty aıynda kesilgen bolattardyń baǵasy 2,9 paıyzǵa ósse, qumnyń baǵasy 1,9 paıyzǵa, gıpsokarton men elektr qurylǵylar 1,5 paıyzǵa, gıps 1,1 paıyzǵa, boıaýlar men emaldar 0,8 paıyzǵa, bıtým 0,7 paıyzǵa qymbattaǵan.

Taýarly betonnyń baǵasy 0,6 paıyzǵa, qıyrshyq tas pen aǵash materıaldar 0,3, kesilgen terezeler 0,2 paıyzǵa arzandaǵan.