Qazaqstanda qurylysqa memlekettik tapsyrysty eki esege deıin ulǵaıtý usynyldy
NUR-SULTAN. QazAqparat – Elimizde qurylys salasy boıynsha beriletin memlekettik tapsyrystyń kólemin ulǵaıtý kerektigi aıtyldy, dep habarlaıdy QazAqparat tilshisi.
«Otandyq qurylys salasyndaǵy kommertsııalyq qaýiptiń aldyn alý maqsatynda memleket tarapynan qoldaý qajet. ıAǵnı qurylys salasyndaǵy memlekettik tapsyrystyń kólemin 2 esege deıin ulǵaıtý kerek. Atalǵan shara jumys oryndaryn saqtaýǵa jáne elimizde qurylys kólemin qoldaýǵa qoldaý septigin tıgizedi. Sonymen qatar Nur-Sultan, Almaty, Shymkent qalasy jáne óńirler boıynsha ınfraqurylymdyq jobalardy ázirlep, oǵan qarjy quıý qajet», - dedi Qazaqstan qurylysshylar odaǵynyń Nur-Sultan qalasy boıynsha fılıalynyń dırektory Irına Manjanova «Atameken» UKP-da onlaın ótken baspasóz máslıhatynda.
Sondaı-aq, Qazaqstannyń qurylysshylar odaǵy sala uıymdaryn jyl sońyna deıin salyqtan bosatýdy usynyp otyr.
Odan bólek, odaq ókilderi otandyq qurylys kompanııalarynyń ótken jyldan qalǵan aıyppuly men ósimpulyn keshirýdi surap otyr.
Aıta keteıik, búgin «Atameken» UKP-da Reseıge salynyp jatqan sanktsııalardyń otandyq bızneske tıgizetin áserine arnalǵan baspasóz máslıhaty ótti.
Atalǵan sharada máseleniń aldyn alý men sheshý joldary qarastyryldy.
