Qazaqstanda qurylys jumystarynyń kólemi ulǵaıdy
ASTANA. QazAqparat - Qazaqstanda qurylys jumystaynyń kólemi 2018 jyldyń qańtar-aqpanynda 853,8 mlrd teńgege jetti. Bul 2017 jyldyń sáıkes merzimimen salystyrǵanda 0,3 protsentke kóp, dep habarlaıdy QazAqparat QR Ulttyq ekonomıka mınıstrliginiń saıtyna silteme jasap.
Atalmysh kezeńde jumystardyń basym bóligi avtomagıstral, kóshe, jol, temirjol, kópirler men tonnelder qurylysy salasynda atqaryldy. Atalǵan salalardaǵy kórsetkish 162,2 mlrd teńge boldy. Injenerlik qurylǵylar boıynsha, 155,8, ónerkásip ǵımarattary boıynsha, 111,7, turǵyn úı qurylystary 98 mlrd teńgeni qurady. Al taý-ken jáne qaıta óńdeý ónerkásibi salalaryndaǵy kórsetkish 72,2 mlrd teńgege jetti.
Qurylys-montaj jumystarynyń aýqymy 4,9 protsentke azaıyp, 736,4 mlrd teńge boldy. Sonymen qatar, aǵymdaǵy jáne kúrdeli jóndeý jumystarynyń kólemi ótken jyldyń sáıkes merzimimen salystyrǵanda 47,7 protsentke kóbeıip, 57,7 protsentti qurady.
Bıylǵy jyldyń qańtar-mamyrynda 15 myń 768 jańa ǵımarattyń qurylysy bastaldy. Naqtyraq aıtqanda 6 jalpy bilim berý mektebi, 36 mektepke deıingi bilim berý uıymy men 1 ambýlatorııalyq-emhana paıdalanýǵa berildi.
