Qazaqstanda qurylys jumystary sapasyna jaýapkershilik kúsheıtiledi
ASTANA. QazAqparat - Qazaqstanda qurylys jumystary sapasyna jaýapkershilik kúsheıtiledi. Bul týraly búgin QR Parlamenti Májilisiniń ekonomıkalyq reforma jáne óńirlik damý komıtetiniń keńeıtilgen otyrysynda QR Óńirlik damý birinshi vıtse-mınıstri Qaıyrbek Óskenbaev málim etti.
«Zań jobasy tujyrymdamasy, birinshiden, attestattalǵan sarapshylardyń jeke jaýapkershiligin, sonymen qatar qarastyrylatyn qurylys jobalary boıyna saraptama sapasy úshin eksperttik uıymdardyń jaýapkershiligin kúsheıtedi», - dedi ol «QR-nyń keıbir zańnamalyq aktilerine qurylys nysandaryn jobalaý salasyndaǵy sarapshylyq qyzmetti reformalaý máseleleri boıynsha ózgerister men tolyqtyrýlar engizý týraly» QR Zańynyń jobasyn tanystyrý barysynda.
Q.Óskenbaevtyń atap ótýinshe, buǵan deıin zańnamada oryn alǵan aǵattyqtarǵa baılanysty shamaly ǵana aıyppul sanktsııalary qarastyrylǵan bolatyn. Al jańa zań jobasynda qurylys jumystarynyń sapasyna sarapshy barynsha qatań jazaǵa tartylatyn bolady.
«100 AEK kóleminde aıyppul jáne 6 aıǵa onyń qyzmetin toqtatý qarastyrylýda. Eger taǵy qaıtalanar bolsa, onda sot sheshimimen attestatsııa týraly kýáliginen aıyrylyp, 200 AEK kóleminde aıyppul tóleıdi», - dedi birinshi vıtse-mınıstr.
