Qazaqstanda qurylys salý kezindegi jikteýdiń jáne kodtaýdyń biryńǵaı júıesi ázirlendi
Biryńǵaı júıe – qurylys obektisi týraly sandyq aqparatty basqarý men qurylymdaýdyń negizgi quraly.
«Bul júıe – halyqaralyq standarttardyń talaptaryna sáıkes qurylys aqparatyn biryńǵaı tehnıkalyq tilde júıeleýge, basqarýǵa jáne almasýǵa múmkindik beretin belgileý júıesi. Ony ázirleýdi qurylys salasyna Qurylys obektilerin aqparattyq modeldeý tehnologııasyn engizý sheńberinde Qazaq qurylys jáne sáýlet ǵylymı-zertteý jáne jobalaý ınstıtýtynyń mamandary júzege asyrdy. Aqparattyq modeldeý tehnologııasy obektini qurý ıdeıasynan bastap ony iske asyrýmen aıaqtalatyn, qurylys obektisiniń ómirlik tsıkliniń barlyq kezeńderinde aqparatty basqarýǵa múmkindik beredi», delingen habarlamada.
Qurylys obektisi tsıkliniń túrli kezeńinde nysannyń aqparattyq modelin qurý kezinde, mamandar aldyńǵy nemese keıingi kezeńniń jikteý júıesine sáıkes kelmeýi múmkin qurylys elementterin jikteýdiń ózindik júıesi bar ártúrli baǵdarlamalardy paıdalanady. Sondyqtan qurylysqa qatysty aqparattyń bir bóligi bir kezeńnen ekinshisine aýysqan kezde ishinara nemese tolyǵymen joǵalýy múmkin. Biryńǵaı júıe osy máseleni joıýǵa baǵyttalady.
«Jalpy aıtqanda, júıede 1 myńǵa jýyq sanat bar, bul ǵımarattyń qurylys obektisiniń ár elementin (shatyr, qabyrǵa, tóbe jáne jer ústi júıesi) tehnıkalyq jáne fýnktsıonaldyq maqsaty boıynsha jikteýge múmkindik beredi. Odan bólek, «QazQSǴZI« AQ mamandary oryndaıtyn jikteý júıesin baǵa belgileýde qoldanylatyn resýrstyq ádis jikteýishimen ıntegratsııalaý, bolashaqta qurylys elementiniń tehnıkalyq sıpattamalaryn qundyq kórsetkishtermen baılanystyrýǵa jáne tıisinshe obektini modeldeý kezeńindegi sol tustaǵy qunyn aıqyndaýǵa múmkindik beredi», delingen habarlamada.
Baspasóz qyzmetiniń málimetinshe, biryńǵaı jikteý júıesi halyqaralyq standarttar negizinde jasalǵan. ıAǵnı bul sheteldik mamandardyń aqparattyq modelmen jumys isteýine múmkindik beredi.
Budan basqa, Qazaqstannyń qurylystaǵy jikteý jáne kodtaý júıesindegi tájirıbesin TMD elderiniń mamandary paıdalanady dep kózdelip otyr.
