Qazaqstanda qurylys salasyndaǵy lıtsenzıattardyń elektrondyq tizilimi jasalyp jatyr
Tizilimde lıtsenzıat lıtsenzııa alǵan kezde usynatyn barlyq derekter (attestattalǵan ınjenerlik-tehnıkalyq quram; materıaldyq-tehnıkalyq jaraqtandyrylýy; óndiristik baza, iske asyrylǵan obektileri, jumys tájirıbesi) kórsetiledi.
Osy tizilim derekterdi qaıta tekserý jáne ózektendirý úshin basqa memlekettik organdardyń aqparattyq júıelerimen ıntegratsııalanady.
Atalǵan sharalardy iske asyrý qurylys jáne jobalaý uıymdary qyzmetiniń ashyqtyǵyn arttyrýǵa múmkindik beredi. Óıtkeni barlyq derekter ashyq, qoljetimdi bolady.
Óz kezeginde, bul sharalar Tehnıkalyq qadaǵalaý men tehnıkalyq tekserýdi júzege asyratyn zańdy tulǵalardy akkredıtteý jónindegi memlekettik qyzmet sııaqty tolyq avtomattandyrýmen qurylys salasynda lıtsenzııa berý rásimin barynsha ońtaılandyrady.
2019 jyly Mınıstrlik atalǵan memlekettik qyzmetti tolyǵymen avtomattandyrǵan edi. Ótinimder qaralyp, nátıjeleri 20 mınýt ishinde adam faktorynyń áserinsiz tolyqtaı kompıýtermen beriledi. Ol úshin Egov.kz úkimet portalymen yqpaldastyra otyryp tıisti tizilimder avtomattandyryldy.
Búgingi tańda Mınıstrlik naqty sharalar men merzimderi kórsetilgen Jol kartasynyń jobasyn ázirlep, kelisý úshin tıisti organdarǵa jiberdi.Jol kartasyn 2021 jyly iske asyrylady.
QR Premer-Mınıstriniń 2019 jylǵy 27-28 qarashadaǵy hattamalyq tapsyrmasyn oryndaý boıynsha QR Indýstrııa jáne ınfraqurylymdyq damý mınıstrligi «Atameken» ulttyq kásipkerler palatasymen birlesip, zańnamada belgilengen tártippen Ádilet mınıstrligi, Ulttyq ekonomıka mınıstrligi, Qarjy mınıstrligi, Tsıfrlyq damý, ınnovatsııalar jáne aeroǵarysh ónerkásibi mınıstrligimen birge qolda bar memlekettik aqparattyq júıelermen ıntegratsııalanatyn, árbir lıtsenzıat boıynsha tolyq málimetterdi qamtıtyn jáne belsendi emes uıymdardy anyqtaýǵa múmkindik beretin qurylys salasyndaǵy lıtsenzıattardyń biryńǵaı elektrondyq tizilimin qurý máselesin qarastyrý tapsyrylǵan edi.
