Qazaqstanda qurylys salasyna da IT-tehnologııa engizilmek
NUR-SULTAN. QazAqparat - Aqparattyq modelderdiń memlekettik banki qurylys nysanyndaǵy úrdisterdi basqarý úshin biryńǵaı tsıfrlyq alańǵa aınalady, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.
Atalǵan júıe aqparattyq modeldeý tehnologııalaryn qoldana otyryp, qurylys obektilerin onlaın-formatta modeldeýge múmkindik beredi.
«Osylaısha, memlekettik bank platformasynda tapsyrys berýshiler qurylys jobasynyń basqa qatysýshylarymen ózara baılanys ornatyp, qurylysqa daıyndyq úshin qajet satylardan onlaın rejımde óte alady», - dep jazdy vedomstvo.
Aıta keterligi, aqparattyq modelder bankin «E-Qurylys» jáne «E-Shańyraq» platformalarymen ıntegratsııalaý josparlanyp otyr.
Eske sala keteıik, «E-Qurylys» júıesi qurylys protsesterin barlyq kezeńderde onlaın-rejımde baqylaýǵa múmkindik beredi. Al, «E-Shańyraq» platformasy turǵyn úı qoryn basqarýdyń ashyqtyǵyn qamtamasyz etip, qurylys salasynda monıtorıng pen taldaý jasaıtyn sýbektilerdiń biryńǵaı júıesi bolyp tabylady.
Kózdelip otyrǵan jańa IT-sheshim qurylys jumystaryn jobalaý barysynda elektrondyq qujat aınalymyna kóshýge múmkindik beredi. Sáıkesinshe, jobalyq-smetalyq qujattamany ázirleý protsesinde barynsha ashyqtyqty qamtamasyz etedi.
Búgingi tańda memlekettik bank saraptamalyq qyzmet úshin ıntegratsııalyq servıster men júıeniń jańa modýlderin ázirleýdiń belsendi kezeńinde. Jobaǵa qatysýshylar salalyq bıznes-protsesterdi, sonymen birge tehnıkalyq talaptardy daıyndaý úshin derekterdiń qurylymyn taldaý jumystaryna jumyldyrylǵan.
Foto: taff-haus.de
