Qazaqstanda qurylys salasy qaıta damı bastaıdy - jaýapty hatshy Salaýat Dembaı
trong>. Aqpannyń 2-si. QazAqparat /Erlik Erjanuly/ - Qazaqstanda qurylys salasy qaıta jandanady. Bul týraly búgin Almatydaǵy Atakent iskerlik yntymaqtastyq ortalyǵyndaǵy kórme maýsymynyń ashylý rásimine arnalǵan baspasóz máslıhatynda aıtyldy,
dep habarlaıdy QazAqparat.
QR Qurylys isi jáne turǵyn úı-kommýnaldyq sharýashylyǵy agenttiginiń jaýapty hatshysy Salaýat Dembaıdyń aıtýynsha, bıyl respýblıkada turǵyn úı qurylysy baǵdarlamasy buryn qarastyrylǵan kólemde jalǵasady. Agenttik onyń kólemi ótken jylmen salystyrǵanda birshama ulǵaıady dep josparlap otyr.
«Buǵan eldegi ekonomıkalyq ahýaldyń túzelip, qarjy, bank salalarynyń turaqtalýy óz septigin tıgizip otyr. Bıyl daǵdarys kezinde qyzmetin baıaýlatqan qurylys materıaldary óndirisi de qaıta jandanatyn bolady. Indýstrııalyq- ınnovatsııalyq damý baǵdarlamasyna sáıkes qoldanystaǵy zaýyttardy jańartý men jańa kásiporyndar ashý jospar boıynsha jalǵasady. Sondaı-aq aımaqtardaǵy úleskerler máselesi de óz sheshimin tabady. Óıtkeni úlestik qurylys az kólemde bolsa da Astana, Almaty qalalary men Almaty oblysynan ózge óńirlerde de bar. Aǵymdaǵy jyly tek Almaty qalasy men Almaty oblysyndaǵy keıbir úlesker máselesi ǵana kelesi jylǵa aýysyp otyr», deıdi Salaýat Dembaı.
