Qazaqstanda qurylys kólemi jyl sanap ulǵaıyp keledi

ASTANA. QazAqparat - Qazaqstandaǵy qurlys jumystarynyń kólemi 2017 jyldyń qańtar-qarasha aralyǵynda 2949,6 mlrd teńgeni qurady, ótken jyldyń osy kezeńimen salystyrǵanda 0,3 paıyzǵa artyq. Bul týraly «QazAqparat» tilshisi Ulttyq ekonomıka mınıstrliginiń Statıstıka komıtetine silteme jasap habarlaıdy.

Eseptik kezeńde oryndalǵan jumys kóleminiń basym bóligi jol jáne avomagıstral qurylysy - 665,1 mlrd teńge, ınjenerlik qurylystar - 534 mlrd teńge, turǵyn úı ǵımarattary - 337,9 mlrd teńge jáne óndiris ǵımarattary - 324 mlrd teńge.

Jóndeý-qurylys jumystarynyń kólemi 3,5 paıyzǵa kemip, 2543,9 paıyzdy qurady. Kúrdeli jáne aǵymdaǵy jóndeý boıynsha qurylys kólemi ótken jylmen salystyrǵanda 42,9 paıyzǵa ósip, 22,5 paıyzdy qurady.

Osy jyldyń qańtar - qarasha aralyǵynda 28 731 jańa ǵımarattyń qurylysy aıaqtaldy. Onyń 157-si turǵyn úı, 2574-i basqa maqsatta turǵyzylǵan. 76 mektep salynyp, 50 mektepke deıingi, 50 ambýlatorııalyq uıymǵa arnalǵan ǵımarat jáne 1 aýrýhana paıdalanýǵa berildi.