Qazaqstanda qurmetti donor ataǵyn alý úshin 40 ret qan tapsyrý kerek
ASTANA. QazAqparat - 14 maýsymda atalyp ótetin Dúnıejúzilik donor kúnine arnalǵan erikti aktsııa ótti, dep habarlaıly QR DSM baspasóz qyzmeti.
Búgin Qazaqstan Respýblıkasynyń Mınıstrlikter úıi janynda Donor kúni ótti. Saǵat 9-dan bastap 13-ke deıin Transfýzıologııa ǵylymı-óndiristik ortalyǵynyń mamandarymen memlekettik qyzmetkerlerden qan alý uıymdastyryldy. 14 maýsymda atalyp ótetin Dúnıejúzilik donor kúnine arnalǵan erikti aktsııada tek qana basshylar ǵana emes, Mınıstrliktiń jáne Mınıstrlikter úıi ǵımaratynyń Ákimshilik dırektsııasynyń qyzmetkerleri de qatysty.
Qan qyzmetiniń jyljymaly medıtsınalyq kesheniniń jumysy ýaqytynda 40 adam erikti (jáne óteýsiz) donor boldy.
Árbir donor 2 kúnge jumystan bosatylýy týraly anyqtama aldy. Budan basqa, óteýsiz donorlyq mindetin júzege asyrǵan donor qan jáne onyń komponentteri donatsııasynan keıin óziniń qanynyń kólemin jáne aǵzasynyń energetıkalyq shyǵynynyń ornyn toltyrý úshin tańdaý boıynsha tegin tamaqtanady nemese 0,25 AEK kólemde aqsha balamasyn alady. Sonymen qatar, Qazaqstanda qurmetti donor bolý úshin 40 ret qan nemese 70 ret plazma tapsyrý kerek.
Dáriger Elmıra Kópeevanyń aıtýyna qaraǵanda, Mınıstrlikter úıinde uıymdastyrylǵan Donor kúnin nátıjeli dep sanaýǵa bolady. Jyljymaly keshenniń belsendiliginde - eń iri shyǵýlardyń biri boldy. Jınalǵan 20 lıtr qan zerthanalyq zertteýden keıin óńdeýge, al sodan keıin elimizdiń emdeý mekemelerine túsedi.
