Qazaqstanda qurma men anar baǵasy qansha
Kúzdiń sýyǵynda bazar men dúkenge qurma, anar túsedi. Jemistiń bul túriniń baǵasy elimizdiń óńirlerinde ártúrli. Kazinform kúzde suranysy joǵary qurma men anar baǵasyn salystyrdy.
Qurma baǵasy 390-2 000 teńge aralyǵynda
Qurma baǵasy elimiz boıynsha Almaty qalasynda arzan. Tashkentten ákelgen qurmanyń kelisin 390 teńgege satylyp jatyr. Al «shokoladty» surpynyń kelisi – 1 065 teńge.
Qyzylorda men Tarazda kelisi – 750-820 teńge. Sonymen birge Qaraǵandy men Oralda qurma baǵasy 800 teńgeden bastalyp tur.
Al Petropavlda qurmanyń kelisi – 850 teńge. Shymkent, Pavlodar, Qonaev pen Taldyqorǵanda jemistiń bul túri 900 teńgege satylyp jatyr. Semeı, Óskemen men Atyraýda baǵa 970-1 200 teńge aralyǵynda bolsa, Aqtóbede kelisi 1 000 teńge.
Kókshetaý men Qostanaıda kelisi 1 099-1 400 teńge, al Jezqazǵanda 1 200-2 000 aralyǵynda. Aqtaýda baǵa – 1 500-8 000 teńge.
Astanalyqtar qurmanyń kelisin 1 550 teńge satyp alady. Túrkistanda jemis baǵasy shamamen 1 590 teńge bolyp tur.
Anar baǵasy 470-6 000 teńge aralyǵynda
Qazaqstan óńirlerinde anar baǵasy surpyna qaraı ártúrli bolyp tur. Satylymda mysyr men perýan surpy bar. Oral qalasynda mysyr surpynyń kelisi 470 teńgege satylyp jatyr. Bul elimiz boıynsha eń tómen baǵa.
Al Aqtaý qalasynda anardyń kelisi 800-1 000 teńge.
Túrkistan, Shymkent jáne Qyzylordada anardyń kelisi – 900-2 000 teńge aralyǵynda.
Almatyda da baǵa osy shamalas. Perýan surpynyń kelisi – 1 600 teńge, al arzany – 1 026 teńge.
Pavlodar, Petropavlda anardyń kelisi 1 200-1 300, al Qaraǵandyda 1 200-5 500 teńgege satylyp jatyr. Taraz ben Qonaevta – 1 230-1 350 teńge.
Taldyqorǵan men Aqtóbede anardyń kelisin 1 300 teńgege satyp alýǵa bolady. Qostanaı men Kókshetaýda baǵa sál joǵary. Kelisi – 1 390-2 800 teńge.
Jezqazǵan, sonymen birge Qaraǵandyda baǵa óte alshaq. Kelisi 1 500 teńgeden bastalyp, 6 000 teńgege deıin jetken. Baǵa surpy men sapasyna qaraı ózgerip otyrady.
Atyraýda anardyń kelisi 1 620 teńgeden bastalady. Semeı men Óskemende jemistiń bul túrin shamamen 2 020 teńgege satyp alýǵa bolady. Elordada – 1 770 teńge, ımport anardyń kelisi – 2020 teńge.
Kazinform buǵan deıin Qazaqstandaǵy sańyraýqulaq baǵasyn salystyrdy.